អតីតអគ្គលេខាធិការបក្ស GDP ស្នើចូលបក្សប្រជាជន និងត្រូវនាយករដ្ឋមន្ត្រីគ្រោងស្នើតែងតាំងជាអនុរដ្ឋលេខាធិការក្រសួងបរិស្ថាន
ភ្នំពេញ៖ នាយករដ្ឋមន្ត្រីសម្រេចទទួលពាក្យស្នើសុំរបស់អតីតអគ្គលេខាធិការបក្សប្រជាធិបតេយ្យមូលដ្ឋានលោក សែម ហាក់ និងគ្រោងស្នើតែងតាំងជាអនុរដ្ឋលេខាធិការក្រសួងបរិស្ថាន។
សម្ដេចតេជោ ហ៊ុន សែន បានសរសេរលើ Channel Telegram របស់សម្ដេចយប់ថ្ងៃទី២ ខែមេសា ឆ្នាំ២០២៣ នេះថា៖ «បន្ទាប់ពីបណ្ឌិត សាម អុីន ខ្ញុំទើបបានទទួលពាក្យស្នើសុំពីលោក សែម ហាក់អតីតអគ្គលេខាគណបក្សប្រជាធិបតេយ្យមូលដ្ឋានដែលទើបចាកចេញសុំមកចូលរួមជីវភាពនយោបាយជាមួយគណបក្សប្រជាជន។ យើងពេញចិត្តនិងទទួលយកនិងប្រគល់ការងារនៅក្រសួងបរិស្ថាននឹងគ្រោងស្នើតែងតាំងជាអនុរដ្ឋលេខាធិការ»។
លោក សែម ហាក់ គឺជាមនុស្សទី២ ហើយដែលចេញពីបក្សប្រជាធិបតេយ្យមូលដ្ឋានចូលបក្សប្រជាជននាថ្ងៃនេះបន្ទាប់ពីលោក សាម អ៉ីន៕
